【低估疫情】
袁國勇被封為沙士英雄之一，其團隊將沙士病毒面紗逐層撕開，但淘大花園急速爆發，瞬間有200多人感染，連他「算極都算唔到」。過去10年政府遇有棘手案件都找他偵查，轉眼他已56歲，還有數年便退休，但依然熱愛研究。他預告已在內地動物屠宰者血液中，發現一種新病毒。
「係一個難堪經驗」
袁國勇說，沙士爆發初期他有信心認為，本港疫情不會較當時有逾300人感染的廣州差，「但算極都算唔到淘大花園（爆發），係整個疫情嘅轉捩點，令醫療體系崩潰，係一個humbling experience（難堪經驗）」。
當年為了抗疫，袁國勇體重由132磅跌至118磅。淘大花園E座爆後，因其中一名患者在淘大對面地盤工作，袁國勇與衞生署人員戴上N95口罩，於地盤的24層大樓逐層搜索，但沒發現。之後證實是E座廁所U形濾水器層乾涸令病毒擴散。
10年來袁國勇協助政府屢破奇案，如紅十字會血液內含菌，馬會馬匹爆發由「香港馬毛黴菌」引起的脆弱馬尾症，「最緊要我覺得有趣，沒趣唔做」。多年來工作量之大令他體重不能回升。
《蘋果》記者