賭王三房千金何超雲與陳山聰相戀兩年多屢傳婚訊，早前曾傳出三太陳婉珍棒打鴛鴦，昨日三太在上環出席東華團拜時，直言山聰已經「過咗我哋嗰關」，又指賭王多次向超雲催婚，開綠燈讓山聰「入門」！
東華三院董事局昨日在上環行政總部舉行春節團拜，主席陳文綺慧及副主席賭王三太陳婉珍等現身，三太指賭王身體好好，農曆新年更發新年財：「佢次次打牌都贏。」至於是否想長女何超雲做蛇年新娘，三太笑謂不是由她決定。
「最好同我住」
超雲與陳山聰拍拖兩年多，經常周遊列國，其間多次傳出兩人秘婚，但又指山聰未獲三太首肯入門，不過昨日三太向兩人派定心丸，又謂賭王多次向超雲催婚，她說：「我先生一定叫啦，見一次就問一次『你幾時結婚呀？』」問三太是否與賭王已接受山聰做女婿，三太直言：「接受，不過過咗我哋嗰關冇用，個女嗰關唔知過咗未。」賭王是否送豪宅作結婚禮物？她說：「佢冇提過，我梗係想佢住近啲啦，最好同我住㖭呀！」擺明歡迎山聰入贅何家，看來超雲與山聰隨時在蛇年拉埋天窗。
四太缺席團拜
此外，保良局董事會昨日也在銅鑼灣總部舉行新春團拜，保良局主席梁寶珠及副主席郭羅桂珍等到場，同為副主席的賭王四太梁安琪則未有現身。
問梁寶珠新年願望是否希望女兒林玉茵成蛇年新娘？她笑說：「我唔心急，最緊要錫個女同孝順，我個女係金叵羅嚟㗎。」
採訪：盧妹
攝影：陳志嵐、陳俊強
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/