相當受教師歡迎嘅教協超級市場，會員每次畀錢都要show張會員證先可以畀錢買嘢，但有教協嘅會員竟然冒違法嘅風險，走去彩色影印會員證畀親朋戚友用，呢班偽教協會員喺教協超市掃貨，令教協好頭痕。
教協副會長張文光話，職員留意到呢個問題一排嘞，雖然有人提過要求會員提供其他身份證明文件，但又怕會增添會員家屬嘅麻煩，所以暫時未有計仔對付，惟有喺超市嘅收銀處同入口貼告示，講明一旦發現有人使用假證，即時報警「無情講」：「凡在本會使用假證者，一經發現，送官究辦」，希望收阻嚇之效。
已退下火線嘅張文樂逍遙，冇做議員之後就同太太四圍去玩，下一站係去波羅的海嘅愛莎尼亞一星期。餘下留港嘅日子都係出入旺角教協，擔任教協裝修嘅監工。