新一屆立法會原來有對中學師兄弟，佢哋都係入到立法會先知有呢個親密關係。工程界盧偉國同建築、測量及都市規劃界議員謝偉銓唔單止同樣係「梁粉」，亦同時係賽馬會官立工業學校舊生。盧偉國係70年中五畢業，謝偉銓就細啲，73年畢業；最巧合嘅係，佢哋兩個都娶咗同校師妹做老婆，品味相當接近喎。
盧偉國憶述當年喺課室，最鍾意喺窗邊贒隔籬學校啲女仔，事關隔籬校女仔好鍾意喺課室排舞；晏晝出去食飯，主要都係為咗見隔籬學校嘅靚女多過醫肚，真係估佢唔到。查實佢哋兩個仲要同樣係專資會成員，日前仲約埋其他專資會立會代表，一齊同傳媒拜年㖭。