以下是Bryan，一個半工讀學生就〈此子可教嗎？〉的留言：「我覺得個重心唔係考究佢做邊行好（未學行先學走），而係心態上出咗問題。其實佢似係將自己個責任推卸畀Son姐。對於Son姐發火嘅原因，我諗係個同學自己根本冇諗過點解決問題。佢覺得人哋幫佢係好理所當然，但係有權利嘅同時亦都有義務。唔係話搵人幫有錯，但你有冇心問人，有冇準備，人哋一目了然啦。與此同時，Son姐此舉我諗係希望個同學有個反思同檢討，問吓自己有冇尊重幫你嗰個人嘅感受，同埋自己問問題之先有冇做足功課，心態真係想做好自己？定係用另一種（方式）去逃避社會呢？」
之後我主動加他做朋友，他問點解？我答孺子可教也，之後展開的對話：
「謝謝妳。其實有個諗法想同妳分享。」
「歡迎。」
「有時覺得我哋九十後好慘，慘就慘在冇乜經歷，換言之就係一個冇乜經過磨練嘅小朋友。人係被社會結構嘅動物，所以搞到今時今日九十後嘅工作態度出咗問題。我諗個問題係自然現象、人之常情，亦都冇人想嘅。」
「其實我很喜歡和年輕人交朋友，你們是我們的未來，希望可以透過接觸你們灌輸一些我們老鬼的知識及智慧。50/50知所不足，應該點做？坐以待斃？坐言起行？」
「仲可以點呢，惟有低聲下氣，虛心受教。肯付出好緊要，始終你點對人，人哋就點對你。BTW，我都好鍾意同大人傾偈，你哋令我學到好多唔同嘅思維。我亦都相信𠵱樣嘢造就咗好多成就嘅差異。」
「正確的第一步！滿招損謙受益，千萬不能覺得委屈！我睇人一向都準，你明白我點解主動加你做朋友了吧？」
張慧敏
http://www.facebook.com/HKcareerdoctor