于仁泰執導的新片《忠烈楊家將》，中港台型男演員盡聚片中，日前多位男主角鄭少秋、鄭伊健、吳尊等為電影海報拍攝兩個造型，林峯雖然有事而姍姍來遲，但他非常識做，買了不少香港地道小食如碗仔翅及燒賣萬歲，連吳尊也大叫好食！眾人又大談拍攝趣事，其中伊健坦言長時間騎馬令他的屁股受苦不少。
電影《忠烈楊家將》由鄭少秋、鄭伊健、吳尊、周渝民（仔仔）、于波、林峯等主演，但今次拍攝海報時除了有戰場的造型外，還反傳統讓一班楊家將穿起筆挺西裝，chok爆影相。
林峯於電影中飾演楊五郎，講到chok影絕對堪稱第一人，反而攝影師要求仔仔擺甫士盡chok時，他則帶點怕醜，場面搞笑。
屁股受苦
談到拍攝時的苦與樂，眾人異口同聲表示最苦的是拍攝時絕大部份的時間也要騎在馬上，問伊健騎馬時有否試過經歷男人最痛？他笑言：「長時間咁騎馬，屁股都要受苦！」
至於樂方面，仔仔及吳尊表示一班戲中兄弟感情要好，更不時圍起來講笑，其中以仔仔的笑話最爛！
於戲中飾演眾將之父楊令公的秋官，更以女性妙論來形容騎馬，秋官說：「有啲人講馬就好似女性，要好好溝通而且性格好難揣測，如果佢慣咗，你捋順咗佢啲毛呢，佢就會聽你話。」
今次電影中有多位主要演員，問于仁泰如何平衡每人的戲份？他說：「呢個問題我之前都有諗過，亦都慶幸今次嘅題材係講一班人去救阿爸，所以群戲好多，故每人戲份都好平均。」
採訪：文國駿
攝影：黃偉雄
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/