大劉劉鑾雄一年365日除了外遊日子，近乎日日光顧福臨門，昨日也不例外。不過，大劉前晚就陪了甘比及女兒去銅鑼灣食飯，順便逛街，親子購物家庭樂一番。至於大劉粉絲Alice過年後昨日又出現，但未有跟大劉拜年，反而怕羞齋企。
大劉劉鑾雄長期光顧飯堂福臨門，原來都會悶！大劉前晚就跟一家女人去了銅鑼灣食飯兼行街，晚上10時左右，記者發現大劉在時代廣場出現，身邊還有女友甘比、女兒劉秀樺、甘比媽咪等，一家幾口似食完飯逛街，眾人在連卡佛的後門位置離開，保鑣及房車一早已在場等候，大劉囡囡穿上一身喜慶的粉紅羽絨、小傘裙，更玩撞色，配上彩藍襪褲仔，跟媽咪甘比一樣紮住馬尾。
Alice自當透明
眾人離開時，保鑣大為緊張，攔住途人和記者，大劉一手抱起囡囡，揹住Pingu膠手袋的甘比，肉緊地在旁邊保護，之後眾人極速上車，甘比安頓媽咪後，再返上七人車離開。
昨日中午，大劉又例牌返回福臨門吃飯。12時半左右，大劉和秘書一齊到，見到記者直行直過，大劉粉絲Alice也在場，不過Alice昨日就好低調，沒舉牌，大劉落車時，她只是站在一邊默默望住大劉。Alice見記者拍攝自己，即說：「唔好影我，當我透明得㗎喇！」至於新年有否跟大劉拜年？她一樣不回應。
口味非常專一
其實大劉對食肆專一度一向高，午飯長期只幫襯灣仔福臨門，連大時大節、做冬、母親壽宴都一樣；法國餐來來去去只是銅鑼灣Da Domenico及跑馬地Amigo，間中都會去上環尚興食潮州菜。此外，陳淑芬和兒子陳家豪昨日也在福臨門相約朋友飲茶。
採訪、攝影：吳耀輝、盧妹
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/