隔牆有耳：
新西蜘蛛俠　搭車展倒吊絕技 - 李八方

唔少新界西嘅居民，最近都報稱見到一位作蜘蛛俠打扮嘅神秘人喺附近現身。有人見過佢喺朗屏站搭西鐵、又有人見過佢喺屯門市中心買日用品，睇嚟英雄都要處理日常生活嘅瑣事。
呢位神秘嘅蜘蛛俠，噚日又有新造型，喺西鐵車廂內驚世現身。佢今次以黑蜘蛛戰衣示人，喺車廂內大玩倒吊絕技，唔知係咪準備出動，拯救人類呢？但見車內乘客並唔震驚，淡定拎出手機直擊蜘蛛俠倒吊實錄，實行嚟個有圖有真相！不過呢，根據蜘蛛俠劇情，呢款黑蜘蛛造型，係講到蜘蛛俠變咗壞人嘅打扮嚟㗎。奉勸各位街坊，當見到呢款造型，睇怕都係要小心為上呀。