科技網站9to5google.com引述非常可靠消息，指Google計劃開舖挑戰蘋果公司，喺零售市場分一杯羹。咁賣乜呢？除咗網上搜尋引擎、瀏覽器Chrome同Google Maps，Google仲有平板電腦Nexus 7、同三星合作嘅智能手機Nexus Galaxy同埋手提電腦Chromebook。
Google近年已經為開專門店鋪路，喺英、美兩國開咗超過150間類似百貨公司專櫃嘅Chrome Store，試市場水溫。雖然論市值同產品種類，Google都唔夠蘋果多，但佢手頭有3,800億港幣現金，點都夠開好多間專門店。
Apple Store𠵱家喺香港有三間專門店，市傳佢喺尖沙嘴廣東道100號租落三層巨舖，今年開業，唔知Google會唔會來港開舖，順便挑戰埋香港地舖租金水平呢？