自爆係處女嘅王君馨噚日喺灣仔會展行婚紗騷，先後示範咗三條裙，其中紫色晚裝係中間開胸、後面露出大片玉背，另一條白色婚紗就谷起深長事業線。
堅持分房瞓
馨馨最近被爆同男友去台灣旅行時，住埋一間房預支蜜月，早前吳千語聲稱同林峯出埠是分房瞓，王君馨口徑一致，佢話同男友都係基督徒，會堅守教規：「我哋潔身自愛，堅持唔會婚前性行為。我哋知住單人房會貴啲，但仍然分房，我哋清者自清，唔怕人誤會。」
馨馨承認有見男友屋企人，但唔算見家長，亦否認對方係初戀男友，佢話：「我初戀男友係韓國人，但𠵱家呢個唔係，佢有少少怕醜，朋友都擔心我哋唔開心，反而我哋冇嘢。」而同場的趙哲妤話情人節收到朱古力同兩束花，呼籲暗戀自己嘅人要表態。
撰文：馮仁昭
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/