渣打香港馬拉松2月24日舉行，參加者近日都收到大會場刊，但有資深跑手一打開本場刊，就覺得有少少奇怪啦。事緣喺「資料篇」裏面，有關亞洲馬拉松錦標賽選手介紹內，詳列咗各地跑手嘅最佳時間，包括中國、孟加拉、北韓、菲律賓、蒙古跑手，都有寫佢哋嘅最佳時間。但唔知點解，香港、中華台北嘅跑手，就冇寫上呢項資料。有跑手就覺得，份場刊咁搞法有啲是是旦旦，事關參賽者如果及早知道各路人馬嘅實力，先可以及早部署，況且大會要搵香港跑手資料，的確唔難，只要喺網上做吓research就OK。唔通大會當香港跑手冇到？