「咁多年冇人主動提起過（沙士），太慘啦，好多戶都有人過身」。淘大E座居民曾先生（圖），永遠不會忘記03年發生的事。3月31日清晨6時，他得悉政府下令隔離E座居民，一家三口被強制留在家中，翌日被送往隔離營，提心吊膽。
港人善忘漸鬆懈
回家後，全幢大廈一半居民搬走，無染病的曾氏一家卻選擇留下，「（其後）都搵到傳播病毒嘅原因，又做咗改善工程，E座可以話係全港最乾淨嘅地方，使乜驚先」。十年過去，曾先生的女兒已13歲，對於當年入住隔離營的記憶所剩無幾，但曾先生卻記憶猶新。「好深刻，（40年來）政府第一次頒佈隔離令，凌晨突然有人拍門，話你知唔可以行出幢樓」。一天後，更被安排到柴灣鯉魚門度假營隔離，最記得當時用廁安排不周，「六至八戶共用一個，會交叉感染喎，人人都好驚」，後來部份居民遷往另一隔離營，問題才改善。
有宗教信仰的他表示，由始至終都不擔心自己染病，最擔心是小朋友中招。回家後，曾家加強清潔經常抹屋，會以一比九十九漂白水倒入廁所地台渠口，但有關習慣在香港脫離疫區後數個月已逐漸鬆懈。普羅市民對沙士一疫印象未必深刻，但淘大居民卻一直記得。