汪明荃（阿姐）、黎耀祥、李龍基同盧大偉等前晚去咗澳門做賀年騷，鄧英敏一出場就扮財神爺派利是，之後由着到成個利是封咁紅嘅祥仔落台派，即刻引嚟大批觀眾擁上前搶利是，亦有人派番利是畀祥仔。
阿姐着住條紅色高衩旗袍一口氣唱五、六首歌，唱到肉緊時仲拗晒腰㖭，不過老貓燒鬚，阿姐唱《熱咖啡》時竟甩嘴，佢之後解釋：「唱少咗段，惟有跳住舞過關。」問情人節點過？阿姐竟然大懵到問番助手，佢話：「嗰日同長輩拜年，佢（羅家英）去咗巴黎冇慶祝，我哋講明唔送禮物，但佢見到啱會買畀我。」
撰文：洪紅克
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/