「怨過㗎，間超市七十幾人，點解得我中招先？」03年在淘大百佳工作的李小姐（圖）不幸染上沙士，留院一個月出院，本應踏上康復之路，卻發現後遺症來襲，左腳骨枯、全身關節痛、失眠、精神緊張，困擾十年，無法重回工作崗位，至今身體仍然虛弱。「但諗深一層，我已經好好彩，最少執番條命」。
左腳骨枯難久站
現年50多歲的李女士03年在淘大百佳工作時染病，「邊個傳染真係唔知，但記得有個婆婆係我面前又咳又打噴嚏，可能就係咁中招」。她指，當時整個淘大已流傳有疫症，初起病發燒已很警惕，但看醫生後已退燒，怎料兩周後再發燒，已發現「個肺花晒」，最終在瑪嘉烈醫院隔離治療。入院後家人最為擔心，但當時限制不能探病，只能以電話報平安，「有幾日神志不清，冇打到電話，佢哋以為我有乜嘢事嚇餐死」。
住院一個月終出院，一天早上發現左腳完全無力，接受檢查證實骨枯達50％，要用枴杖協助步行。李女士續指十年間要定期覆診，但現時仍不能久坐久站，晚上亦受關節痛困擾須服安眠藥入睡。沙士陰霾下，她曾有三、四年不敢重返淘大花園，但一場大病令子女更孝順，「其實好多嘢都好無常，開心最緊要」。