內地企業越來越有環保意識。本港環保團體「綠領行動」發起嘅「利是封回收重用大行動」，內房股雅居樂（3383）連續三年有參與。雅居樂舊年龍年喺中港兩地收集同免費派發超過8萬個利是封，蛇年增加幾個城市作為收集點，總數超過30個，令更多內地人知道環保係乜東東。
雅居樂2011年首次參與計劃，將回收利是封嘅概念帶入內地，今年將收集點擴展到旗下有樓盤嘅南京、成都、重慶、西安同海南，另外六間酒店亦有收集點，方便旗下樓盤超過十萬個家庭同公眾參與。
查實過年收利是，最關注裏面嘅餡，利是封通常撕爛就掉。未用嘅利是封未必會儲起，如果有生肖圖案，第二年唔啱用就更難留，一般都係去咗堆填區，有機構回收，循環再用的確幾好。