月初收到現時MPF受託人信安的電話短訊，內容係咁：「信安新推出適合iOS用戶的強積金應用程式！想在彈指間輕鬆管理您的強積金賬戶？請按xxx。」毛丘係靈活走位一族，一心以為有咗呢個Apps，連電腦都唔使開就可以用iPhone轉換基金，結果安裝後大失所望，得啖笑！
喺個Apps入面，研究了一陣都只可以睇到戶口結餘及自己買咗乜嘢基金，打去熱線度問，個姐姐都係話只有呢兩個功能，咁何謂輕鬆管理先？要轉基金最快仍然要用電腦上網。信安每個月都會將戶口最新結餘用電話短訊發出，為咗睇埋投資分佈而裝多個Apps，除咗O嘴真係唔識畀反應。
冇期望就唔會失望，如果一早講明「想在彈指間輕鬆齋睇您的強積金賬戶」，會貼切啲囉！
魯毛丘