藝人不愛談政治，但娛樂圈偏偏越來越易涉及政治，就連發新免費電視台牌，都政治化得沒完沒了，樓南光說：「北大人已經喺度，只不過十年八年前大家唔理，港人慣咗港式生活，佢哋喺街屙尿係好衰格，但今年唔做，十年後都嚟，50年不變啫，唔通第51年即刻變咩？我幾欣賞杜汶澤同歐錦棠，有勇氣，阿澤當旺都有膽識，因會直接影響收入機會，要付出㗎。」
眼見香港演員逐漸被邊緣化，樓南光早就感到香港沒有娛樂圈：「以前八十年代有娛樂圈，後來移咗去大陸，變成大圈，呢度得番細圈，不成氣候，電影唔樂觀，電視亦一台獨大，又係政治因素唔發牌，搵唔到乜嘢理由唔發，王維基都唔係政治人，佢唔會反清復明，有多個電視台成個圈都起碼有啲嘢發生。」
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/