【共同嗜好】
添了幾根銀絲的劉以達，仍不失大細路本色，與老婆最大的嗜好是儲模型，兩人的瘋狂程度要在家中霸地頭擺放心頭好，年花數萬亦在所不計，但兩公婆卻一直無意孕育下一代，這些便是世人眼中的「神化」吧。
達哥早前才花1.5萬元從美國訂回一套89年的蝙蝠俠造型戰衣，「啱啱兩日前先攞咗黑寡婦返嚟……日日check住facebook（更新）。」買模型是夫婦日常的最大開銷，他說，按每件1,200蚊計，一年動輒要花數萬元，「見到啲靚嘢或者鍾意嘅就會去買，砌晒嘅已經儲落兩百多個，大部份係1比6，所有荷里活嘅變形金剛、蝙蝠俠等等，唔係為咗投資，但有兩個蝙蝠俠已經double價……通常唔會賣嘅，老婆有自己玩具王國，嗰啲可以安燈嘅模型屋，又會bid首飾、皇冠等。」
生活節儉 太太精打細算
不過，達哥在生活上顯得節儉，亦有賴太太精打細算，「呢件衫你估幾多錢？」他指住身上的粉紅色針織衫突然問記者，「50蚊……大埔有好多批發，名牌嚟㗎，老婆識得捐窿捐罅搵到呢啲又平又靚嘅衫。」當日訪問結束後，兩夫婦順道在壹傳媒的平民食堂「醫肚」。在食堂阿姐關注下，達哥亦毫不介懷地抓起多士便咬，「食乜都無所謂，九大簋又得，即食麵又得。」
總結五十載人生，達哥最滿意現時狀態，能做到自己喜歡的事，有自己的心頭好。但他只想繼續「遊戲人間」，至今都沒打算生孩子，「出面太多亂世，太多價值觀擾亂小朋友長大，係社會教壞佢……（若有下一代）要同耶穌講，對唔住啊，我一定要落咗佢。」