【記者梁御和報道】為入大學，莘莘學子爭崩頭。偏偏有年輕人在大學畢業、甚至海外留學歸港後，「返轉頭」讀廚，學做廚師，被同齡的低學歷上司呼喝；也有副學士為了學廚而與家人吵大架。他們都經歷過激烈的內心掙扎，才敢走與別人不一樣的路。
現年22歲、城市大學英文系畢業的Anthony，讀大一時在餐廳廚房做過兼職，對廚師工作有濃烈興趣，更一度考慮退學而學廚，最後在家人勸諫下打消念頭。
認為手持學位有助發展
畢業後，Anthony做過文職工作，卻對「熱廚房」念念不忘，「一日到黑望住部電腦，唔係我個type」。最終決定回到基本步，去年報讀西廚學院兩年制酒店廚務課程。
Anthony坦言，要突破學歷這個心理關口並不易。工作時遇過學歷比自己低的同齡上司對他呼喝，令他相當難受，「我明白佢哋早入行，經驗職位都高過我，惟有當自己冇讀過大學」。
明年畢業後他打算由低做起，一般學徒起薪點約8,000元；但二、三廚月薪逾20,000元。他對未來充滿信心，認為手持學位，對日後發展也有好處，「起碼做緊自己鍾意嘅嘢，而且睇到前景」。
24歲的Karen，在澳洲完成建築系學士學位。父親在建築署工作，但她沒加入不少人夢寐以求的公務員行列，和Anthony一樣學廚，「掙扎咗好耐，但如果放棄自己興趣，怕將來後悔」。
Maggie的路較崎嶇，她直言是為了滿足家人對其升大學期望，花一年重讀A-level（高級程度會考），再花一年讀副學士，而且是自己毫無興趣、但較易銜接大學的工程科目，最終自覺跟不上而放棄。
現年21歲的她，一向愛煮食，最後決定轉讀廚師課程，並為此多次與家人爭執。「佢哋睇唔起廚師呢個行業，認為冇出路；親戚又會畀好多說話你聽，話女仔唔應該做廚房」，說到這裏，小妮子忍不住流下淚來。
「廚師唔係就咁將啲食物煮炒埋一碟，我嚟呢度係要學習點樣用心煮好每一份食物」。以西餅廚師為目標的她，因用心學習，最終得家人諒解，「我要證明自己係得嘅，呢一行唔係冇前途」。