杜奧巴強勢加盟加拉塔沙雷之後，喺上個禮拜五隨即喺土超上演佢嘅「地標戰」；呢名科特迪瓦箭頭喺下半場中段後備上陣咗短短5分鐘，就幫球隊先開紀錄，兼射入佢喺加軍嘅處子球，最終亦幫球隊作客2:1贏咗阿克希薩爾。「魔獸」狀態咁「弗」，嚟緊歐聯迎戰史浩克04話唔定又有進賬。另外，兩支將要出戰歐聯嘅球隊拜仁同波圖，啱啱喺聯賽都同樣順利贏波。