邊個話渣打香港馬拉松只係跑手嘅專利，因為已經係全城活動！雖然渣馬24號先舉行，但大會噚日已經喺維園舉行一連串活動，最矚目一定係由8間小學同8間中學主打嘅啦啦隊打氣大行動比賽，結果由來自路德會呂祥光中學嘅啦啦隊（圖），奪得冠軍兼「最具創意獎」，佢哋仲會連同其他中、小學生喺渣馬比賽當日，再到維園終點，一邊表演一邊為選手打氣。