車路士嘅比利時新星夏薩特，踢波同「踢人」都咁耍家，可能佢係喺日本漫畫度學番嚟。話說上個禮拜，車仔飛去捷克踢歐霸盃嘅旅途上，夏薩特就喺飛機上面用手提電腦係咁煲《狐忍》嘅漫畫，話唔定佢都想效法漫畫嘅主角鳴人一樣，他朝一日成為車路士嘅英雄；另外，除咗夏薩特，佢隊友馬高馬連原來都係日本漫畫發燒友嚟。