上月Mr.舉行演唱會時，成員Dash宣佈孖生細佬阿榮與商台DJ朱薰的愛情結晶品出世，現仍在坐月休息的朱薰要到下月才復工。新年期間朱薰的巨星好友陳奕迅去到其居所探B兼BBQ，不過引來附近的居民投訴滋擾民居。
商台DJ朱薰於上月誕下6.8磅兒子，她不時上載愛兒的照片於網上，正在坐月的她要到下月才復工。日前朱薰的好友趁新春假期去到其鯉景灣家中探BB兼BBQ，初二的到訪者中有陳奕迅，至前日初五晚就有張繼聰。不過朱薰與朋友的BBQ團拜引來附近居民不滿，指他們太過嘈吵滋擾民居。本報昨日就此事聯絡朱薰，她強調自己單位的露台位置絕對是可作燒烤用途，她表示：「其實舊年都有俾人投訴過，舊年我只係燒過一次，今年就係兩次，但係我哋燒都係12點前燒完，亦都唔係好嘈。」
朱薰透露於兩次的BBQ中，只有前晚（初五）有大廈管理員查問，她續說：「初二都冇管理員上嚟，前晚個管理員都係上嚟問我係咪燒緊嘢食，都冇話有人投訴我嘈，佢了解完就走啦。」
已改用無煙炭
朱薰表示自從上年被人投訴後已改用無煙炭，希望將影響減到最低，她說：「你話燒嘢食冇煙冇味就冇可能啦，不過我一年都係燒一兩次，我唔會因為俾人投訴就唔燒。」
採訪：林妃
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/