葉玉卿大女胡芷欣亭亭玉立，滿以為美國長大的13歲青春少女，喜歡看《Gossip Girl》，活躍於社交界，但芷欣卻為了媽媽做逃學威龍兼片場跟班，卿卿笑說：「我臨走前3日佢開始玩抑鬱，喊住話『It's so hurt！』之後仲自拍咗條片畀我睇，我問佢點解一個人可以喊成咁，真係笑死我，最後我咪買機票畀佢飛過嚟，我老公成日叫我訓練佢，咁大個仲成日同我哋瞓，瞓喺我哋中間，如果我死咗咁佢點？我都想佢明白，人有生離死別，生老病死，所以今次我媽咪喺醫院，個女一路跟我，睇住我點照顧婆婆，我仲問佢第日我病咗瞓喺病床，你會唔會好似我咁幫媽咪換片？」
答應不再拍戲
次子可聰、三子以聰，雖然不想做貼身膏藥，但亦免不了有投訴，卿卿說：「我第二次返香港，佢哋開始扭計，同我講『It's not fair， you promise never leave me again！你𠵱家又走，仲要帶埋家姐走！』所以我已經答應佢盡量只係呢一次！所以再拍嘅成數真係唔大，我老公已經話唔畀，講明冇下次。」戲！拍不拍並不重要，最重要是可以看到所有家庭成員因為卿卿再次緊緊地拉在一起！