52歲嘅馬勒當拿又做老竇！佢嘅前度女友奧芝達，喺前日透過代表律師宣佈呢個喜訊：「BB同奧芝達健康情況都好好；而BB從鼻以上嘅位置，都似足馬勒當拿。」呢個喺布宜諾斯艾利斯出世嘅BB仔體重3.2公斤，並經已取名為迪亞高費蘭度，亦係老馬第5個孩子。老馬前女婿阿古路個仔都差不多4歲，今次多咗個仲細過自己嘅舅父仔，唔知會唔會一齊玩呢？