美國型女歌手Pink，之前因為生女暫別樂壇一段日子，𠵱家佢終於復出，並喺前日假美國鳳凰城舉行巡唱。作為巡唱首站，Pink固然博到盡，除咗大騷收身成功後嘅弗到漏身形同性感舞衣外，佢至耍家嘅空中雜技演出梗係唔少得，今次Pink誇張到玩側身半天吊，由三名大隻佬捉住佢一隻手一隻腳仲吊住腰，咁搞法佢都仲唱到歌，認真犀利！之後Pink瞓喺條布度同靚女舞蹈員一齊表演，另外仲綁埋吊索喺空中飛嚟飛去，十足雜技人，當飛埋去fans面前玩單手倒立，台下好識做即刻舉機狂影㖭。
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/