周秀娜甩拖，震撼程度點都及唔上俄羅斯美女網球手舒拉寶娃；剛打入卡塔爾網賽8強嘅舒娃，被問及剛剛嘅情人節點過，早前同籃球員禾積斯解除婚約嘅舒娃，甜絲絲咁講愛情一直係自己四周，而且絕不空虛，即係暗示自己好多人追啦！另外，同樣打入8強嘅「細威」莎蓮娜，只要喺4強擊敗7號種籽姬維杜娃，就可以兩年半後再度升上世界排名第1，31歲嘅莎蓮娜韌力值得一讚。