歐陽震華（Bobby）年初二報稱因急促進食嗆喉導致急性肺炎，連日來都要留在深切治療部（ICU），昨日是情人節，其妻傅潔嫻一早到醫院陪Bobby過情人節，Bobby經理人Lydia踢爆Bobby習慣了ICU的聲音，竟然無意轉病房。
現年52歲的歐陽震華本周一入院，報稱因急促進食嗆喉導致急性肺炎，但亦有指他因狂飲酒而酒精中毒，目前仍在灣仔律敦治醫院ICU留醫，情況穩定。昨日是情人節，其妻傅潔嫻和經理人Lydia前往探望，一早到醫院的傅潔嫻與夫在醫院過情人節，她於傍晚離開醫院時透露Bobby面色好了不少，又指他現時十分肚餓。對於情人節有何表示時，她說：「佢唔係好浪漫，佢同我講唔好意思，累到你哋咁，我就話最緊要你快啲好番。」
未能進食落床
Lydia透露Bobby暫時仍未能進食及落床，但瞓得十分舒服，她還轉述Bobby的說話：「佢𠵱家最想沖個涼，仲話習慣咗呢度聲音，護士對佢好好，問可唔可以唔轉出去（ICU）住，原本上晝話可以轉病房，但嚟到又有問題。」Lydia指Bobby仍要吊鹽水，亦要做不少檢驗，不能心急，她說：「𠵱家少咗好多儀器接駁住，仲有少少喉插住，Bobby冇話辛苦，但成日郁張床嘅位置，上上落落，幾時開工真係唔知，以病人健康為先。」對於有傳Bobby新劇《情逆三世緣》隨時停拍，Lydia強調未收到通知。
替身代拍廠景
有份拍《情》劇的關詠荷（娥姐）、郭政鴻及監製莊偉建等昨日到電視城開工，莊偉建表示現時外景暫停，廠景拍多幾日亦會停廠，已安排無綫藝員李啟傑做Bobby替身拍攝部份廠景，至於下月5日到佛山拍外景亦會繼續，莊偉建說：「叫佢唔好飲咁多酒，到時搵娥姐贒住佢，相信佢冇事，有信心佢可以去到。」娥姐希望Bobby早日康復，對於要延期拍攝沒所謂：「我係家庭主婦，有時間，同TVB仲有成年約，佢之前都試過心痛，要停一陣先拍，希望佢今次順便檢查身體。」
採訪：卓寶花、何慧斯
攝影：陳慧安
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/