古思堯因為焚燒同塗污國旗同區旗，要受九個月牢獄之苦，為表達不滿法官重判，二次創作權關注組嘅一批網民，群起惡搞國旗，有人將五星旗嘅星變成屠城坦克車包圍疑似天安門、有人亦將星星改做高登小丑神；百花齊放，無非用行動反對《國旗法》壓制言論自由，關注組仲整埋惡搞國旗嘅MV，滙集所有惡搞五星旗嘅改圖，兼將日文歌《千本桜》改詞做《腥色五星》，以身試法，諷刺政府日益打壓。
關注組仲搞埋聯署，呼籲市民留名支持修訂國旗區旗惡法同埋《版權條例》，同時要全面豁免並保障二次創作，捍衞思想自由兼表達自由，仲力促當局釋放因為國旗惡法而被囚或被捕嘅人士，撤銷提控或判罪，以保障人民思想、表達同言論權利。
惡搞國旗MV網址： http://www.youtu.be/FFu4mplFCQg