先問一條「巴神冷知識」：巴洛迪利在曼城兩季英超，只交出過一次助攻，是在那一仗？答案下文揭曉。
作為進攻球員，兩季聯賽竟只一次助攻隊友，可能正是巴神在曼城無得留低原因，獨食、難夾、狀態不穩加情緒不穩。不過回歸意國加盟AC後，兩仗入3球，證明這類「性格巨星」留在語言文化自己熟悉的環境，往往有助狀態穩定。正如百厭星卡斯辛奴，年前在皇馬載浮載沉，返回意大利即全面復蘇。
今次巴神回家，除立刻重拾射門鞋，最奇是場上與隊友組織配合大幅提升。由之前放在一邊自己爆，變成4-3-3陣式中的正中鋒，不斷為隊友停球、二傳，成進攻核心。這崗位在粒粒皆星的曼城不會交給他，暫時看來，更大責任反令巴神更穩定。
起初對這宗轉會有點保留，主要擔心名氣不大的教練艾基利能否駕馭這匹癲馬，暫時看來是杞人憂天。而找巴神加盟還有一大得着。前文提及的唯一的助攻，就是上季尾對昆士柏流浪奇蹟反勝那仗，最後一刻助攻阿古路入波。
巴神天生就係充滿話題性，唔做焦點唔安樂。貝老而家除咗等巴神關鍵時間發揮X-factor作用，還有場外另類「X-factor」……睇佢幾時又整蠱艾基利或者隊友，搞出大頭佛，令近年星光黯淡的AC唔使錢宣傳，都可重返傳媒焦點。
巴神現與AC新星艾沙拉維及法國小將麥巴耶尼安組成的3箭頭，不但甚有火花，而且平均年齡僅20，令近季AC老化問題大大改善。下周歐聯對巴塞，本以為冇得打？睇嚟未必！
方柏翹
now足球評述員