今日情人節，兼且係打工仔開工吉日，Jessica C.（JC）早前跟糖藝老師Cliff學吹桔仔糖，賀年兼做情人節小禮物，喜慶又夠sweet。不過，JC開始搓糖，就烏龍將手套調轉戴，吹糖嗰陣又緊張到手震震，好彩最後都冇吹爆糖衣，成功吹出橙色嘅桔仔糖，雖然有啲粗糙，但獲讚有8分。JC話：「過程好緊張，不過真係好好玩，祝大家大吉大利，甜甜蜜蜜！」
JC直言最想嘅就係男朋友Mr. Bond可以嚟香港陪佢甜蜜過節，佢話：「Mr. Bond未試過慶祝農曆新年，我想帶佢到處逛吓，仲想買套唐裝畀佢㖭。」
想進軍影圈
JC透露蛇年目標係主力進攻影圈，佢話：「模特兒嘅工作開始冇乜大挑戰，我想拍多啲香港電影，唔需要畀我做女主角，小角色就已經好好喇。」
撰文：盧妹
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/