狼英鄙視新聞採訪自由，走去發律師信告傳媒，難怪聲稱門常開嘅新政府總部啟用以嚟都係重門深鎖，傳媒要喺新政總追訪官員，至少要推開六道木門、走過迂迴百米長廊，行得到，官員都走咗佬啦。記協專程拍攝《六度門》短片，揭示政府幾咁荒謬，希望當局拆門鬆縛，唔好阻止記者採訪。
《六度門》請嚟港台名嘴曾志豪飾演僭建局長、CCTVB前記者柳俊江飾演新聞官、記協前總幹事同記者飾演記者。
短片講述小豪子因為僭建個鼻同對胸俾傳媒追問，記者原本想用職員通道追訪曾志豪，點知被保安阻撓。
保安現場真人演繹
柳俊江扮晒好人帶記者用「六度門」追訪，原來呢六道門有拖延作用，事關記者到達採訪現場，身有屎官員已經逃之夭夭。
短片演員只有四個咋，嗰啲保安員，全部如假包換係真人演繹；佢哋平日點樣阻撓戴住官方記者證嘅傳媒採訪，短片中一目了然，毋須八方多講。記協表明繼續力爭開放新政總採訪限制，至少要拆門鬆縛，畀番條直接去到採訪地方嘅路徑記者。若然官員行得正、企行正，八方認為，毋須視傳媒如洪水猛獸啫。
《六度門》短片： http://www.youtube.com/watch?v=qF2dqHqErTM
mailto:[email protected]