1913年2月13日、即係藏曆水牛年1月8日，第十三世達賴喇嘛發佈咗西藏獨立宣言；噚日就係西藏宣佈獨立宣言100周年，全球好多地方都有舉行紀念活動。一班市民亦喺噚晚去到中聯辦外掛上雪山獅子旗，支持藏人繼續爭取自由同獨立，同時舉行燭光集會，為自焚藏人供燈祈禱；聲援人士中，仲包括「V煞仔」㖭呀。