後生仔今年情人節好happy，皆因有利是錢幫補吓，買禮物畀另一半都會闊佬啲。其實大家可以再積極啲，投資情人節概念股賺番筆，分分鐘夠錢找買禮物條數有凸，或者索性買股送畀另一半！
情人節概念股首選，當然係名牌Prada（1913）同Coach（6388）啦，化妝品股如莎莎（178）、卓悅（653）同歐舒丹（973）都唔錯，珠寶首飾可以揀周大福（1929）同六福（590）等，若然睇好餐飲，可以揀大酒店（045）同香格里拉（069）囉。
除咗前面個啲大路嘢，華華仲有隻冷門好介紹。男女悲歡離合乃平常事，唔排除有人會將情人節收到嘅名牌手袋銀包套現，呢個時候米蘭站（1150）就最受惠喇。