今日港股升定跌要到收市先知，但港交所（388）兩位管理層：主席周松崗（右）同CEO李小加就率先兩個四萬笑容同股民拜年，周松崗仲笑到好似招財貓咁有福，希望股民今年投資股票都咁有福氣啦！今日除咗有佢兩位舉行新春開市儀式，同時亦係港交所展覽廳裝修完成後重新開幕日，實行喜上加喜，希望個市都聽聽話話，令股民歡天喜地！