楊千嬅昨日在尖沙嘴海港城出席開年醒獅活動，大會安排財神送上多份禮物給她，其中一份是百家被，祝她三年抱兩。事實上千嬅確有意再添丁：「想追多一個，主要係想Torres（囝囝）有個伴，人生路太長，有兄弟姊妹商量好啲，不過要睇緣份。」
千嬅續說：「𠵱家先要調理身體，我都高估自己能力，之前開刀生未完全復元就開工，身體負荷唔到，而且今年有好多工作，蛇年有BB嘅話，公司應該好閉翳。」
今日情人節，千嬅自言結婚生仔後，一切已改變：「情人節已經遠離，變成家庭日，生日同紀念日緊要啲，𠵱家係要諗幫Torres搵學校，好開心新年有啲唔認識嘅街坊見到佢會照畀利是，我會將佢啲利是錢買金粒，將來仔大咗或者轉交畀新抱。」
採訪、攝影：魯萍
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/