2月11號係皇馬翼鋒荷西卡利祖生日，隊友艾比路亞真有心，送咗個歐聯波花紋嘅蛋糕畀呢位壽星仔，希望呢位26歲壽星可以帶啲旺氣過皇馬，喺呢場大戰中K.O曼聯。另外，皇馬賽前仲收到另一單好消息，就係西班牙足總決定將國家打吡，提前喺3月2日﹙周六﹚舉行，令皇馬可以多一日休息備戰對曼聯嘅次回合比賽。