【本報訊】周三皇曼戰可說是今季的最強戲碼，就連皇馬教練摩連奴亦指這是非睇不可。
皇馬對曼聯，C朗鬥朗尼，摩佬戰老費，這場大戰可說是人生必睇的球賽之一。皇馬主帥摩連奴說：「全個世界的人都想看這場比賽，美中不足的地方，就是這不是決賽。」皇馬在去年10月作客對巴塞隆拿的國家打吡，吸引了全球4億人透過電視收看，估計皇馬對曼聯這場歐聯激戰的電視觀眾人數，隨時能去到5億。另外，英國傳媒上星期報道，這場大戰單在英國的投注額已達數百萬鎊，估計臨場應有逾數千萬鎊的投注額。
皇馬在歐聯16強大戰曼聯適逢農曆新年，相信不少球迷都會捱夜睇波，但有線電視台球彩台主持阿鵬表示，這場波是好睇唔好賭，不會因戲碼勁而加大注碼，：「皇馬主W只得1.44倍，其實是好唔值，雖則摩帥想成為首位帶領3支球隊贏歐聯冠軍的教練，戰意十足；但曼聯近態好，而且朗尼回勇，配合尹佩斯，只要作客有波入，他們次回合返到主場已經有着數，個人心水是皇馬小勝一球。」