【本報訊】梁班子去年7.1就任後，接二連三滑鐵盧；新民黨主席葉劉淑儀直言，相比曾班子，「（梁班子）經驗嚟講比唔上前朝」。晉身行會的她直指，現有管治班子欠缺權威性，暗示梁班子「未夠班」，苦了政務司司長林鄭月娥。她呼籲特首梁振英日後酬謝「梁粉」時，必須用人唯才。
記者：許偉賢
「林太（政務司司長林鄭月娥）就好辛苦嘞，佢一個要湊咁多個，乜都要跨部門。」被揶揄為「官場奶媽」的林鄭，上任至今先後為教育局局長吳克儉、發展局局長陳茂波擋過箭、由國教到奶粉「瓣瓣掂」，難怪葉劉戥這位「妹妹」不值。
「酬謝梁粉也應用人唯才」
梁班子就任後，新政一波三折、民望不斷下滑；被問到梁班子是否未夠班？葉太明言：「（新）班底太多新官，雖然佢哋個個努力學習，但你哋見到佢哋嚟立法會嘅表現，至多係讀熟條line to take；你問跨部門嘅嘢，佢就話呢個唔係我負責，叫你問番隔籬個局長，畀唔到一種好有信心、好權威性嘅感覺市民。」她拒點評哪位官員不稱職，只稱「（整體）經驗嚟講比唔上前朝」。
梁班子不濟，「梁粉」當道也有問題。葉太認為，委任「梁粉」無可厚非，「你要競選，就要酬謝班底，呢個全世界都有」，但歸還人情債、安排支持者出任公職時，大前提仍然是「用人唯才」。葉太稱：「有啲人你要酬謝佢，冇問題吖，最緊要佢真係有能力，如果表現傑出，就冇人會嘈㗎啦」。她指會寄語梁振英不分陣營，包納有料之士，「呢一點，我真係要同梁振英講」。
「我嘅言論仍有好大空間」
梁班子能力不如曾班子，加入行會後的葉太，似乎也不及上屆議會「敢言」。至少沒有行會「包袱」時的她，或會對不濟官員逐一點名。「田北辰都好驚我滅聲㗎，你哋見到我都冇吖。（記：但𠵱家冇咁尖銳喎……）我承認我唔可能好似批評曾蔭權（政府）時咁尖銳，但我嘅言論，仍然有好大空間。」
梁振英上任後，促其落台的遊行示威多不勝數，中央換馬之說無停過，葉太卻斷言，「中央一定唔會話多人上街就換人，咁就立咗不良先例，你睇董生，當年都係（社會）靜晒嘞，到適當時候換到人先換」。那中央是否會在有人選後才啟動Plan B？葉太即時稱「唔知呀、唔知呀」，但也指出：「其實好多市民唔係支持佢（梁），而係支持政府、想要穩定。」
齊心一意，打救行騙長官梁振英
http://www.tomonews.net/game/bslapcy/web/