《喜》大家都知南韓電子品牌三星係車路士嘅贊助商，佢哋最近就搵咗車仔前鋒費蘭度托利斯拍廣告，但我求大俠就覺得有啲無厘頭。一開始，費托就表現吓球技，之後佢突然話自己識整蛋糕，鏡頭一轉，佢就喺雪櫃拎咗啲蛋出嚟，着住圍裙咁打蛋同撈埋啲忌廉。跟住，費托就坐喺三星部雪櫃隔離玩手指，等個蛋糕焗完，最後佢加埋啲裝飾；蛋糕整完，個廣告亦就咁完咗！