【台灣】陳冠希（Edison）同台灣女友洪文安（Ann）打得火熱，仲乖乖陪女友返台灣過年，前日年廿九傍晚5點幾佢哋現身台灣桃園機場，唔知係咪趁機見家長呢？
不過，Edison見到記者出現竟然發爛渣，記者好友善同佢講新年快樂，但Edison就黑面講普通話：「我不想跟你講話。」記者再問佢係咪同女友家人食團年飯？Edison發老脾話：「我不想跟你講話，你聽不懂嗎？」仲作勢用行李車撞記者，又攞手機反拍，仲懶得戚望住女友炫耀。
寸記者閃到眼花
離開機場時，Edison再度化身失控哥，谷到面紅頸現青筋，用英文狂鬧記者：「同我行遠啲。」又埋怨記者嘅閃光燈閃到佢眼花，語帶侮辱話：「死肥仔閃到我睇唔到路，你好蠢吖，我冇你咁笨！」最後丟低一句：「走啦，過你嘅年啦。」就上車離去。據知Ann以前喺外國讀書，唔清楚男友過去，Edison曾向友人大讚Ann個性清純又唔貪錢，令佢好感動，最終收服呢位情場浪子。
撰文：林妃
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/