繼細仔奶粉後，這個新蛇年，下一個搶掃的，會是什麼？風水師傅中，沒有grandmaster，市民唯有贒實行情，估計被狂掃斷貨的，有下列幾項：
一、牛肉乾。內地牛不來，內地牛肉乾更是水漲船高，香港牛迷背靠共產黨，有水食，冇乾啃，已成定局，趕快囤貨為妙。
二、煙仔。自由行內地煙民趁人仔貴過港紙，肯定來香港執平煙。本地煙鏟，從柴灣行路去深井都買不到煙仔，只能吸二手煙，或者去黃大仙車公廟頂住檔。
三、食油。地溝當道，強國同胞不能下下水煮，掃油天經地義，只要不是揩油，沒話說。香港政府應變，趕快推廣無油煮食。市民外遊，兩篋pack爆油。
四、食鹽。因為試過盲搶，過癮嘛，再搶過。
五、食米。所謂食鹽多過你食米，搶開就手，唔爭在。
六、膠。包括膠水，膠紙，膠布，膠袋。總之搞到特區冇膠用。被評論員稱為「左膠」的人，被迫害到「G膠左」。