上星期友邦公佈一項強積金調查，其中內容有話，僱員平均每月花35粒鐘煲劇，但只花3粒鐘管理強積金，可見供款人對強積金未有足夠認知。確實，毛丘識唔少朋友從來對強積金都唔會望多眼，但用管理強積金嘅時間多少來衝量有冇足夠認知，毛丘便不大苟同，這反而令人有錯覺：「管理強積金要嘥好多時間。」
個人認為，管理強積金重點不在於你花多時間管理，而是要有效管理。最基本而言，只要能做到因應年齡調節適合的股債比重，根本毋須每月為MPF而煩惱。即使想因應市況調整組合，只要每周花些時間閱讀《強積金透視》，周一跟專家透過網上進行換馬，相信每月需時一粒鐘有找，而兩者都屬於有效管理。
魯毛丘