在農曆新年，各位球迷可盡情睇好波，好好享受這個假期。在蛇年英超第一仗賀歲波，小弟在上周五專欄中分析，修咸頓返回主場迎戰曼城，隨時會成為蛇年第一份「厚禮」，爆大冷贏曼城不足為奇，在新的一年，希望可再接再厲為各位讀者有好的推介，答謝讀者多年對小弟的支持！
大多數以弱勝強的爆冷賽事，都有一個共通點，就是穩守突擊等機會，但修咸頓勝曼城一役，修咸頓領隊普捷天奴改變了這個概念，全場採取壓逼性打法之餘，後防推前適當地佈越位陷阱，令球隊3線取得平衡之外，亦大大收窄對手進攻活動範圍。
另一方面，修咸頓無論攻守分工亦好清楚，在一支下風球隊要演活這打法難度極高，在上任短短時間，普捷天奴已能把球員在體能、信心及紀律提升到頂點，筆者對普捷天奴的帶隊功力有極高評價。
西班牙集訓見成果
記得季初看修咸頓的表現時，覺得又是另一支黑池，打法惹人好感但冇得留低，季中更意外地由普捷天奴接手，根本難以投信心票；而近仗球隊表現拾級而上的關鍵，相信是早前趁足總盃賽期空檔，拉隊去西班牙集訓的成果。
前仗作客對曼聯的先勝後敗，領先之下仍狂攻紅魔，雖然最後都是輸波，但普捷天奴的堅持和信念，已為球隊好好埋下種籽；上任後的第一場勝仗打敗曼城的收穫，看來修咸頓的收成期是可以留得低在英超。
丘建威
有線足球評述員