噚日蛇年大年初一，無綫喺將軍澳電視廣播城舉行《靈蛇喜舞賀新禧》，修哥胡楓變身財神向觀眾派兩蚊利是，無綫主席梁乃鵬就向職藝員派50元開工利是，高海寧最勤力出擊，不停向人祝福同𢭃利是。
許亦妮去整眼
陳煒喺節目中玩蛇，同一班女仔露腰跳蛇舞，佢已經八年冇喺新年開工，今年一開工就與蛇共舞特別興奮，而且係第一次拎無綫開工利是，佢笑話：「梁生話我玩蛇好犀利，我話我做戲都得㗎。」難得有機會當然要力薦自己。同場沈卓盈鴻運當頭，贏得價值5,100元金蛇，許亦妮時來運到，噚日再贏到今年第二條金蛇，價值2,200元，佢喺劇集《老表，你好嘢！》俾人狠批一雙凸眼，搞到佢攞到金蛇都唔敢瞪大眼，佢笑話：「我去韓國修眼頭，表情就唔會咁激動。」其他藝人呂慧儀、苟芸慧、敖嘉年都有派開工利是，麥玲玲就派100人民幣利是搞搞新意思。
撰文：洪紅克
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/