無綫劇集《老表，你好嘢！》王祖藍、萬綺雯和黃光亮等演員前晚到屯門欣賞大結局，並自掏腰包擺7圍宴請一班幕後食飯，近日傳分房瞓的郭晉安與歐倩怡恩愛到場，張繼聰亦獲老婆謝安琪及兒子撐場。
祖藍希望大結局收視過40點（約257萬觀眾），問到過40點是否結婚慶祝，他即拋個波給安仔說：「叫佢哋再生多個，佢哋肯再生就結婚，不過自己冇咁快，都要等我買咗樓先，總之要努力工作先。」
安仔夫妻裝闢謠
對於傳出婚姻亮紅燈，安仔說：「我哋有時為小朋友有爭拗，係好嘅方面，係勞心勞力嘅一面，亦都有分房瞓，但係陪小朋友， 一個陪好過兩個一齊陪。」安仔強調夫妻間沒有不和，爭拗只是為小朋友入學的問題，絕對沒有影響夫妻感情，更坦言兩公婆十分恩愛。
細細粒陳嘉佳因《老表》人氣急升，她自爆豬籠入水：「多咗工作，有5位數字。」她笑言若收視過40點會食40吋pizza慶祝。細細粒推掉三級片《一路向西2之泰西》，她表示因為劇情要講粗口，怕令形象不好。而萬綺雯亦希望收視同自己長腿一樣有42點，到時是否露42吋長腿慶祝，她說：「自己不嬲都有露啦。」
採訪：王崇穎
攝影：黃偉雄
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/