上海上港主席徐根寶真係老當益壯，一啲都睇唔出佢初二就70歲生日。佢噚日帶隊去小西灣練習，腳痕晒咗幾下腳法（圖），仲好鬼好人，唔介意講畀小記聽，係佢提議球隊，用1萬美元（大約7.8萬港元）買今次賀歲盃直播權，等上海嘅同胞喺新春睇到賀歲盃；仲話好有信心捧盃咁話！至於聽日生日，佢就話會畀球員出去行吓街，之後隨便食飯慶祝就得喇！