【滿足感大】
踩離單車賽道，洪松蔭仍與單車密不可分。不僅積極訓練14歲兒子洪進繼承衣缽，更多次帶領香港單車隊出戰國際賽，平日亦不遺餘力做推廣或宣揚個人勵志經歷。他形容每年出席公益和商業活動逾100個，99%都是義務。
阿松坦言經歷過童年的無助，一直都希望貢獻社會。「好多慈善團體、學校搵我分享成長或單車安全，99%都冇錢，就算嗰1%都會捐出去，對做保險亦冇幫助，收穫反而係知道有人會因為我一句話，改變咗人生態度而發奮圖強。」
車王二代洪進自6歲已立志成為單車手，阿松堅持多年親自每周六天訓練，進仔已在同齡單車比賽中嶄露頭角。他認為按目前水平，兒子大學畢業後躋身港隊都不成問題。
現今運動員較幸福
他感嘆現時做全職運動員很幸福，「有薪金、有裝備、有後勤，最重要係有教練。全港有14個精英運動，超過400個全職運動員有資助，單計單車運動都有30幾個，即政府提供穩定收入，再按獎牌成績攞獎金，廣告收入全歸自己。」而且現時運動員退役後出路增多，阿松認為最重要肯調整心態。
最近岩士唐的禁藥醜聞震驚體育界，但阿松相信禁藥問題不會在港隊出現，「呢啲專業用藥唔容易接觸，而且佢哋由政府資助同監督；但海外職業車隊就冇人監管，交唔到成績就畀人炒魷。」