趙式芝和同性伴侶、波爾錶太子女楊如芯（Sean）婚後，今年首次齊齊派利是。她們以名字「芝芯」及愛犬公仔印製利是封。爭取同志平權的趙式芝，鼓勵已婚的同志伴侶派利是，傳播幸運和愛，早前法國國會通過同性婚姻合法化，她表示不會赴法補簽婚書，決心在港爭取！
趙式芝去年四月和同性伴侶、波爾錶太子女楊如芯（Sean）在法國結婚，敢言敢愛，成為香港社交圈首對公開結婚的同性戀人。
今年兩人婚後首次派利是，特別以兩人名字印製「芝芯」（寓意：知心）利是封，更印上Hello Kitty畫家為愛犬Bubbles、波爾多（多多）畫的可愛卡通造型，並加上「繽紛年年、多多歡樂」。趙式芝說：「往年都有派，派畀同事，工作夥伴、小朋友、朋友嘅貓貓狗狗呀咁，覺得個人大過30歲，派利是叫有啲付出咁囉。」問她倆預幾多利是budget？趙式芝說：「同往年差不多，預多少少啦，因為細佬同幾個朋友都生咗小朋友。」趙式芝也鼓勵已婚的同性戀人派利是，傳播愛與祝福：「唔派咪仲尷尬，派利是係分享幸運同埋愛，呢個世界係應該多啲分享愛。」她倆新年準備到日本滑雪。
去年法國行禮
去年開始努力爭取同志平權，趙式芝希望香港可以為「民事結合」立法：「文明社會，啲人越來越多係民事結合，即係好多人，唔只同性，係一般男女，大家同居一齊，但又唔想以結婚呢個形式去結合，但其實係一對，呢類民事結合，如果喺法律上可以確認，唔肯為同志，係為現代社會規劃都有用。」她舉例指，如果一對長年同居但無結婚註冊的戀人，其中一方重病，另一方亦無法為對方做醫療決定，因法律上兩人是無關係，但反而關係疏離的親屬卻可以代做決定。
法國國會上周通過同志婚姻合法化，趙式芝和楊如芯去年也在法國小鎮教堂行禮，她指不會返回法國補簽婚書：「唔會，我哋會喺香港繼續爭取，簽都喺香港簽！」
採訪：林妙萍
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/