又到年尾，又係黃夏蕙出動嘅時間啦！佢成年唔出街都唔緊要，但大年初一無論橫風橫雨、抑或行雷閃電，夏蕙姨都一定要去黃大仙上頭炷香，唔係成年都唔老黎。
手法純熟
其實夏蕙姨為咗爭上頭炷香，每年都霸定晒靚位，一入廟即起晒「鋼」，手法極之純熟，乾淨俐落，但都有一年試過差啲失手㗎。講緊係03年嘅農曆年，話說夏蕙姨一如以往，晨咁早已經化行晒妝、着到靚靚咁，又喺近成千上萬嘅善信當中逼到排第一行。到踏正子時步入羊年一刻，夏蕙姨一支箭咁揸住支香亂咁衝，只見夏蕙姨被逼到面容扭曲，頭上戴嘅假髮仲移埋位，幾乎好似《大內密探零零發》入面嘅羅家英大嗌「好難觸摸呀！」咁，跌埋落地。好彩夏蕙姨眼明手快，即時將假髮撥番正，仲當乜事都冇發生，可惜全程俾人拍晒啦！唔知今年又有冇搞笑嘢發生呢！
撰文：阿Wow
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/